由林盛斌（Bob）、馮盈盈擔任主持，嘉賓評判為伍詠薇及蔡一傑的《全城一叮》，昨晚（21日）播出第三及第四輪決賽對戰，林子超、黃瀅仴與吳兆麟、以及黃紫恩和劉展霆成為全晚焦點。
林子超上次化身變裝皇后，大跳勁舞，這次則表演「Man爆鋼管舞」，不但做盡高難度動作，展示力的表現，又施展「爆衫」絕技炒熱全場氣氛，獲得四位評判全數四盞「金叮」，更以40分揮低28分的對手黃建東，成為四輪優勝者中最高分一位。
子超還衝破心理關口，毫不遮掩曾做過開胸手術的疤痕，表示：「今次係第一次冇P走自己條疤痕，平時Post相我都會P走條疤痕，今次希望將自己最赤裸嘅一面送俾《全城一叮》嘅舞台，好感恩有呢個舞台畀我追尋自己嘅夢想。」子超的感言贏得全場掌聲，馮盈盈說：「You are perfect，完全唔覺得呢個係你缺陷。」伍詠薇則說：「呢個係你生命一部分，唔好驚，接受佢。」
另外，黃瀅仴與吳兆麟對戰金，上演「舞」林激戰，因兩隊表現均十分出色，不相伯仲，最終黃紫恩和劉展霆奪得34分，以一分之差勝出。黃紫恩（Jojo）和劉展霆（Eden）組成的「5minz」，以「小丑CP」舞出瘋狂愛情故事，不單Cosplay造型搶鏡，表演的舞蹈同樣達至癲喪級；當中擅長Breaking的Eden做出Lock頸接着倒立動作，極具視覺震撼感，Jojo的瘋狂指數亦比上一回合升級，加上大量貼身辣舞，睇到盈盈瘋狂尖叫，伍姑娘大讚：「成件事好曳，兩個冇話邊個搶咗風頭。」提到「小丑CP」造型搶眼，Jojo透露與Eden各自花了三小時化妝，是二人Cosplay初體驗。
Jojo之前的演出雖然可以晉級，但其實她並不太滿意，她在社交平台分享道：「初賽播出街嘅時候我想搵窿捐，坦白講初賽自己知冇flat out，原因係自己心態唔好，覺得比賽係小事，所以完全唔緊張，繼而動作都冇爆曬所有力，最後個腦一片空白跳完，跳完即刻嬲到想喊，覺得辜負左Partner Eden，所以大家讚我跳得好好，我一路都好心虛，好對唔住你哋。」她在總結上次的表現，吸收了教訓，每日都會提醒自己兩句話：「小事當大事做，一切從小做起；大事當小事做，淡淡定有錢淨。」她明白自己的舞技不是專業級，一定不是最好，「但我仍然想盡力做，Partner、老師、評判、觀眾以及各路支持我嘅朋友，我想俾你哋一個真正好交代，今晚我真的用盡全力了，唔再心虛，如果今天大家覺得我還不錯，想係度光明正大同大家講聲：多謝！」
Eden透露練習時搞到周身傷，包括大腿、手腕、腰、膊頭及膝頭等，出賽前更要服用止痛藥硬撐：「始終連續跳咗兩個幾月，肌肉休息唔到，好似有個動作係用腰力夾硬喺地下拉番個身上嚟，做十次可能未必有事，但每日做十次加上肌肉疲勞，就好易受傷。」Eden講到有不少抬高Jojo動作，其實一點也不辛苦，「Jojo真係好瘦同埋好輕。」Eden曾參加《盛．舞者》，14歲便開始上網自學跳舞，至今已有14年舞齡。
黃瀅仴與吳兆麟表演的舞蹈亦同樣將難度大升級，晒出驚人力量的兆麟同樣不斷抬起瀅仴，賽前因苦練而扭傷手腕。他們雖以一分之微落敗，瀅仴充滿熱誠的演出，獲得傑少高度讚賞：「你跳舞嘅情感係有戲嘅，同埋好有生命力，所有監製要留意吓佢。」
瀅仴聽後感動落淚，並說：「好開心可以企喺咁大嘅舞台表演，真係冇遺憾。」傑少又以自身經驗，鼓勵瀅仴：「唔緊要嘅，我當年都係落選，有慧眼一定識英雄。」
