Advertisement

中年好聲音|梁浩銓獻唱媽媽最愛金曲眼神有火 顏志恒「玩嘢」突圍俘虜評審

本地
2023.03.04

01

無綫的《中年好聲音》明晚(5日)播出的第14集,繼續是第五部曲次回合《譚校長金曲!爭入12強!》,餘下的七位選手將出場爭取晉級12強資格。是集出場名單是《一生中最愛》涂家堯、《講不出再見》顏志恒、《最愛的你》丁文俊、《半夢半醒之間》李佳、《誰可改變》林鉫徫、《霧之戀》何博文及《暴風女神Lorelei》梁浩銓。

「校長」譚詠麟繼續擔任嘉賓評審,娓娓道出金曲背後故事。當中講到《霧之戀》時,校長坦言很難唱:「呢隻歌前段部分係要講出嚟,點樣吸引到人、又有味道兼觀眾唔覺得悶,係要有一個技巧。」校長更即場示範唱番兩嘴,當唱到「或睡或現閃爍(音:瀝)不停」時,他望着DJ周國豐說:「你應該有嘢講嘅!」周國豐笑言:「應該係閃爍(音:削)嘅,但嗰個年代係好多人讀閃爍(音:瀝),所以情有可原。」校長聞言竟「認真」解釋:「閃削(音:削)同閃爍(音:瀝)係有分別,閃爍(音:瀝)係鬼祟,閃爍(音:削)係閃吓閃吓。」讓節目無端端變了中文堂,場面搞笑。

02

梁浩銓繼續獲父母親臨錄影現場支持,獻唱快歌《暴風女神Lorelei》時,他一邊唱一邊「Un」,引爆全場氣氛,主持車婉婉大讚他相當有火,張佳添亦大讚:「呢個舞台今晚係屬於你,你有廿幾歲嘅活力喺度!」校長則說:「佢個眼神好有火!」浩銓聞言即乘機向在場的媽媽示愛:「我媽媽係好鍾意譚詠麟前輩,所以我一定要唱好呢首歌。」

07

獻唱《講不出再見》的顏志恒同樣表現亮眼,他演唱時加入了一些特別元素,引得校長和肥媽同時互望兼大叫:「佢玩嘢呀!」伍仲衡則說:「聽到有故仔,唔係淨係唱K,你唱《一首歌一個故事》仲好聽。」校長聞言便着志恒即場唱番兩嘴,志恒即鬼馬地背着舞台,重演100強表演《一首歌一個故事》時的畫面,過癮之餘更獲得校長大讚:「佢好掂喎,把聲好靚,低音好靚。」浩銓和志恒的精彩演出,能否撼低上集豪奪91分的支嚳儀呢?

08

10

聲夢傳奇 姜濤 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹