沈震軒與女友陳欣妍（Shirley）近日飛赴泰國旅行，面對陽光與海灘，女友連日來狂曬性感泳裝照，昨日更分享與男友「情侶浴袍Look」，十分甜蜜。不過Shirley今次最大收獲，原來是有機會與金馬影后張艾嘉合照，她寫道，「Photo 9, my goddess。 第三次見到先夠膽上去求合照，第一次食早餐見到唔夠膽行過去喊咗，第二次食早餐又見到，不過覺得阻住人哋family time唔係咁好，同埋太早啦，可能未ready影相，唔可以將女神影得唔靚！心諗算啦，遠望已經好滿足！第三次車到一開門女神迎面而嚟！個天真係比足三次機會我，女神真係好有氣質，好靚，小時候睇電影，心諗我都想成為咁樣嘅大人！」
