由苑瓊丹主持的節目《開工大吉77》，今日（13日）邀得余香凝（Jennifer）作嘉賓，Jennifer笑指苑仔轉數快，笑言自己招架不住，「今日見佢扮師傅，都嚇咗一跳！佢把口好勁，加上我又轉數慢，最怕係令到個節目唔好睇！其實我都把握機會同對方請教做戲心態，有前輩教路會易行啲！」
Jennifer指近日武漢肺炎疫情肆虐，除了忙於宣傳新歌外，亦要為家人撲口罩，「我周圍問朋友邊度有口罩，邊個去旅行幫手買比我，咁就未去到絕路要排口罩，不過我心理上有壓力，成日認住自己有啲咳、喉嚨痛！呢排都要宣傳新歌，唯有唔洗開工就閉關，慳返個口罩。」
Jennifer說朋友笑她搵命搏做宣傳，她坦言：「其實係想帶正能量比人，希望聽完我呢首輕快嘅歌，大家都開心啲！」連苑仔都大讚Jennifer乖巧，認為對方前途無可限量。
受到疫情影響，苑仔的工作亦要叫停，「本來要去台灣拍戲，本來傾緊幾時去隔離等開工，都未傾完已經禁止入境。咁算啦，依家咪休息一下，盡量保持開心，同朋友見面第一句就問有冇口罩，慢慢買返多少。」
