2019年 TVB 話題劇集產量頗多，視帝寶座競爭非常激烈，現在便和大家數數今屆5位視帝大熱兼重溫劇集精華片段吧！
陳山聰入行多年終於有代表作！今年山聰與李施嬅主演嘅《金宵大廈》大受好評，「阿蕭」同「Coco」前世今生情緣更成為觀眾熱烈討論的話題。首次擔正做男主角嘅陳山聰絕對係今屆視帝人選的大熱，《金宵大廈》仲有機會獲得本年度最佳劇集呢！
唔講唔知，《白色強人》係馬明第9次扮演醫生角色，而今次亦係佢第12次獲提名最佳男主角獎項，上一次《降魔的》未能令佢登上視帝寶座，呢次唐明醫生會唔會令佢擺脫陪跑命運呢？
台慶劇《解決師》在另一角度延續了熒幕cp王浩信同唐詩詠嘅愛情故事，雖然今次都唔算係Happy Ending，但演出上王浩信又有一大突破，他不但親身上陣拍攝動作場面，而且演繹阿Sir角色又有少少黎天王當年嘅味道，今年再拎視帝獎項一啲唔出奇。
袁偉豪拍《鐵探》嘅用心，相信各位觀眾都深深感受到，佢為咗演好尚垶進行咗三個月地獄式減肥，令自己激減20磅，以人乾look演繹命不久已的警探話題度十足，而他與惠英紅的對手戲亦相當有火花和睇頭！
周柏豪喺台慶劇《多功能老婆》飾演暖男榮浩田的形象相當入屋，而且有錢又靚仔，深受觀眾歡迎也是常識吧。加上柏豪囡囡喺劇集大結局出街前出世，使戲內的暖男形象與現實中的他完美交接，令周柏豪吸納了更多媽媽粉絲。如果拎埋視帝，佢今年就雙喜臨門了。
圖片來源：互聯網、my TV SUPER(www.mytvsuper.com)