郭子豪今年花了九個月時間去操練肌肉，上周六出戰「PCA PRO及香港健美及運動體適能錦標賽2018」，終於在台上贏晒所有對手，奪得男子組華南區冠軍。
延伸閱讀：
原來冠軍之路都唔易行，他表示曾經一度想放棄，因為操練期間右手受傷，阻礙練習計劃，而飲食的分量更是正常人的兩倍，一日要食五餐，仲要食好多飯，真係食到嘔喎，佢話比賽前一星期開始每日灌水十六公升，比正常人多八倍，搞到每隔十分鐘就要去廁所，去到比賽前兩日就要完全唔可以喝水，因為要令肌肉線條更明顯。為了今次比賽，他向無綫請了八個月假，收入係零，全靠積蓄過日子，幸好下個月就可以重返劇組開工，不過就要花少少時間減磅，將身形縮水。