嚟緊周日（1月21日）就係無綫電視頒獎禮嘅大日子，呢個緊張關頭唔少藝員都出盡奶力幫自己套劇拉票，而《降魔的》一眾原班人馬更在社交網上傳跳舞片為爭取最佳劇集出多一分力。從片段可見，馬國明、胡鴻鈞、蔣志光、謝雪心、黃智雯、何遠東等人都有份參與拍攝，有跳舞底子的黃智雯仲大騷舞技和身體柔軟度，段片仲模仿咗唔少會係的士上面會做嘅動作，例如戴安全帶、調較倒後鏡和車前水撥擺動等，雖然冇近排大熱手指舞咁靈活，但都睇得出花咗唔少心思，誠意度絕對滿分！
延伸閱讀：【有畫面嘅！？】石敢當莫有為靚聲合唱《降魔的》片尾曲
延伸閱讀：【笑談刀削面1】胡鴻鈞承認會修圖 自己都like瓊姐
另外，胡鴻鈞亦係社交網直播是晚《降魔的》聚會的部分片段，其中不乏粉絲問答環節。當編審羅佩清回應《降魔的2》傳聞時，她表示是籌備當中，仍需要各位觀眾的支持，並希望各位粉絲能為劇集投下神聖的一票。在劇中飾演龍貓的何遠東不忘曬演技，即時扮演不同身份為劇集拉票，而馬國明則不吝惜近期極受歡迎的「譚仔」話與大家打招呼，真係聽見都覺得好熟悉啊！
最後，在影片尾段可聽見一眾演員講：「十字路口有落吖，唔該！」這正與傳聞中的續集（《降魔的之十字路口》）名稱互相對應，看來《降魔的》的續集不是只聞樓梯響，假若能奪得「最佳劇集」獎項便成事在即呢！
延伸閱讀：【封面故事】馬國明儲錢買樓結婚 「心穎令我多嘢講」
圖片來源：互聯網
影片來源：胡鴻鈞@Facebook、降魔的@YouTube