「經過那些年～」一唱呢一句大家一定會諗起阿姐汪明荃主演嘅無綫電視劇《華麗轉身》，數數手指，呢套劇原來已經播完四年咁耐。日前汪阿姐同劉松仁約咗《華麗轉身》一班演員王君馨、方力申、黃心穎、李碧琦同趙希洛聚舊，大家咁耐冇見，呢晚都盡興而歸，而最難得嘅鍾嘉欣帶埋囝囝見大家呀。
一見到佢哋就好想重溫呢首歌
從照片中可見，汪阿姐同《華麗轉身》眾演員都笑容十足，睇嚟呢晚佢哋都過得好開心。其實今晚都算係非常齊人，唯獨差香香公主岑麗香仲坐緊月嚟唔到，而阿姐對於呢個美中不足亦留言：「希望你好快可以帶BB給我們看看。今晚太開心啦！」香香睇到阿姐留言，識做啦～
圖片來源：汪明荃@Instagram