明明上兩個星期仲有少少陰涼，但一踏入四月冇耐，就好似突然變咗夏天咁，街上面唔少人都著晒短衫短褲，而江嘉敏噚日更加喺IG post 泳衣相，仲話熱到想就咁著住件泳衣出街添。
睇番張相，見到化上淡妝嘅江嘉敏浸住喺泳池度笑容十足，頭頂仲有副太陽眼鏡，chill到爆，佢仲留言講今年set咗學游水呢個目標俾自己，可能因為咁今日特登去熟習一下泳池，為夏天作好準備。而飛魚王子方力申見到張相都忍唔住留言問好，唔通佢想收江嘉敏做學生，定係搵佢做游泳學校代言人呢？Anyway，相信唔少網民都好期待會睇到更多福利照，江嘉敏要加油學游水，可以嘅話，不如著住比堅尼update一下學習進度吖！
圖片來源：江嘉敏@Instagram