近日鄭希怡 （Yumiko）與老公梁學儲（Andy）同囡囡梁浸浸去日本北海道度假，一家人盡情享受滑雪嘅樂趣。不過，Yumiko喺Post咗坐輪椅相，並留言：「係挑戰自己的時候，總會遇到少少挫折⋯ 」佢又叫大家唔使擔心、慰問，過兩日又會再戰。
Yumiko令到一班好姊妹心痛留言，容祖兒：「唉呀！小心啲呀！你知你個人又長，啲手腳又幼，整親就唔抵啦。」；蔡卓妍（阿Sa）：「小心啲呀！睇住嚟玩！唔使下下都咁盡嘅。」Yumiko回覆阿Sa話下次約埋一齊滋滋悠悠，慢慢滑。
Yumiko之後又Post相片報平安，見佢笑住擺甫士影相，左腳戴咗保護工具，睇Yumiko並無被腳傷影響心情，佢樂觀咁話：「冇事⋯ 行得、企得、食得、玩得⋯ 多咗少少嘢，仲fashion咗。」話今次意外好小事。唔少網民都祝Yumiko早日康復，以後玩樂時要注意安全。
圖片來源：鄭希怡@Instagram