前《東張西望》女神林泳淘上個月公開宣布會同圈外初戀男友結婚，今日終於有得睇佢Big day 嘅靚相！
林泳淘點解會喺同男朋友嘅拍拖紀念日結婚？原來係因為一年前炒車事件所造成的契機，拜完神見師傅就知道男友正準備同佢結婚，師傅提議嘅兩個日子，其中一個就係二人拍拖紀念日，所以林泳淘覺得一切都係上天安排。至於剛成為了林太的林泳淘，她對於新身份暫時沒有太大的實際感覺。
林泳淘：「對於新嘅身份，我仲係無乜實感，（努力執屋中）不過林生就好開心，（幸福mode執屋中）話說大約係一年前，我同林生因為輪流炒車，我就帶咗佢去拜拜還神（感謝神，最緊要人冇事）師傅見到我哋個八字就話，哇，你兩個人真係天作之合，個八字咁夾嘅，有無諗住結婚呀？林生就好爽快咁話 : 有呀！」
「呢次係我第一次聽到自己要結婚嘅事，（事後先知，原來佢之前已經訂好戒指，只係疫情關係一直卡住喺外國成年幾都未寄到返香港）跟住師傅好快就俾咗兩個日子俾我哋，而其中一個，咁啱就係我哋嘅拍拖紀念日。（一切都是整定的）2021年5月29日，我同林生都多了一個身份，多了一些家人，多了一份責任，但不變嘅係，我哋應該會繼續相愛相殺直到海枯石爛，直到生命終結，直到永遠永遠。」
圖片來源：林泳淘＠Instagram