辦公室入面嘅明爭暗鬥幾乎天天上演，而無綫劇集《波士早晨》就以辦公室政治同OL之間的趣事作為題材為大家帶嚟歡樂。呢套劇唔單只有陳慧珊坐陣，仲有青春無敵嘅李佳芯吸引眼球，而日前播出的一集更上演二人為影相爭企前排的戲碼，大鬥演技。
最新一集內容說到李佳芯先耍手段害Jade姐入院不能拍團體照，陳慧珊對事件看不過眼，便略施小技以其人之道還治其人之身，令李佳芯企番係佢後面。深深不忿的李佳芯入到廁所見到陳慧珊就即時開火，直接開口問佢係咪係佢背後打小報告。陳慧珊直言李佳芯其心不正，害人終害己，更勸告她不要為出風頭而不理會做人的底線。各位讀者睇到呢幕應該都覺得大快人心吧？因為現實生活入面真係有唔少小人會做呢啲衰嘢，仲要冇天收，活得消遙自在。
另外，呢一場對手戲二人皆演得非常自然，簡直演活咗辦公室入面你爭我鬥嘅場面。見到陳慧珊同李佳芯呢場戲自然到咁，筆者心中不禁想問佢哋係咪試過真人版主角，所以而家一埋位就拍得咁順利呢？
圖片來源：互聯網