無綫皇牌處境劇《愛回家》近期愈做愈有，繼早前加碼增設商場景方便拍攝，日前播出的一集更將迷你版《中國有嘻哈》搬到入電視城，而熊樹根（劉丹 飾）仲做埋隊長，帶領龍敢威（羅樂林 飾）、譚道德（陳榮峻 飾）和馬豹（黎彼得 飾）組成大四喜一齊rap爆愛回家。
從片段可見，今集製作非常認真，不但搵演員向G.E.M、吳亦凡、花姐致敬，加埋成270幾歲嘅「大四喜」仲全程無mic咀真Rap。而大四喜的裝扮亦不馬虎，跟足本地Hip Hop組合廿四味咁戴晒cap帽金鏈上身，至於填詞方面都好緊貼時事，兼夾句句押韻。今集《愛回家》瘋狂程度玩到好似後期《卡拉屋企》咁，收視分分鐘又創新高喇。
圖片來源：my TV SUPER(www.mytvsuper.com)
影片來源：my TV SUPER(www.mytvsuper.com)