容祖兒演唱會轉眼來到第十四場，日前她不但與親弟弟容逸恆於「紅磡360」上對唱，更請來兩位嘉賓農夫及張智霖助陣，令觀眾開心到飛起。
昨晚祖兒登上自己名命為「紅磡360」的高空纜車跟歌迷大唱k，當中又在山頂撞到來看騷的弟弟容逸恆，兩姐弟一同對唱，十分開心，繼而竟然在人群中找到「農夫」，三人大合唱《特別嘉賓》令觀眾驚喜萬分。
農夫上台大展搞笑本領，表演棟篤笑令觀眾及祖兒由頭笑到落尾，祖兒：「我一早就已經決定請你哋做嘉賓㗎啦！我覺得你兩個好OK㗎！兩個天生一對，一個咁高，一個冇咁高；一個長期唔夠飯食，一個食埋佢個碗飯。」陸永: 「搵我哋咁樣先夠crazy係咪？ 你之前全部巨星，原來容祖兒你真係痴線㗎！ 」
C君: 「我作為你嘉賓，要同全場觀眾負責，好想講一聲：『對唔住，好抱歉。』你諗吓，大家之前睇個啲張學雲友、劉德華、古天樂，跟住今晚係農夫！你話點算呢真係！」C君再講：「如果在座任何朋友想退飛，唔需要唔好意思，我自己都退咗，我睇到今晚嘉賓農夫，我幫你哋諗埋，你點面對睇之前個啲嘉賓啲觀眾，你諗吓一齊食飯，你朋友問，你嗰晚邊個嘉賓 ，人哋話張學友，你話農夫，幾難聽，」 祖兒就直頭笑到收唔到聲，唔識回應，只好說：「你哋唔好咁樣話自己，千錯萬錯，係我錯。」
C君續大爆Joey演唱會超時要罰款一百萬港元：「大家知道，容祖兒pretty crazy演唱會，其中最crazy就係盡量希望唱多啲歌畀大家，真係pretty超時！有數得計，每晚大慨罰五萬，做完場騷，最少都罰一百萬。嘩！係我就唔唱啦！我最想試吓八點半開騷，我八點九散場，測試下紅館over要補水，咁under 有冇得回水？」
農夫離開後，祖兒就好開心同觀眾講：「我想話畀大家聽，我好努力做咗十四場，明日我放假。今日阿姐好高興決定賣大包，演唱會每晚我都會唱人哋歌，滿足自己慾望，今晚準備咗一首我好喜歡的歌畀大家，希望大家會鐘意這首歌 ，然後祖兒唱出《祝君好》。在觀眾沒有心理準備之下，張智霖突然升上台同祖兒合唱，無端端又多個靚仔嘉賓睇，觀眾都開心到飛起，瘋狂大叫，祖兒就話：「今日想請大家食多粒糖，不是我想請就得，要請得郁先得，大家畀多啲掌聲多謝張智霖！」兩人在台上更披露不可告人的秘密，Chilam話：「我哋兩個關係，正所謂遠親不如近鄰！」祖兒：「今日披露大家知一個秘密！你哋唔好同人講，我哋係同居關係！哈哈！不過，同居不同層！我哋住同一大廈，見得佢最多係停車場，同電梯，同舞台真係第一次！好多謝Chilam，佢拍緊賀歲片，請幾個鐘假來支持我，重攜眷出席，老婆靚靚都來埋睇騷！真係多謝佢一家。」
