由王浩信主演的台慶劇《兄弟》快將播出大結局，而緊接播出的劇集便是由三哥苗僑偉同澤囝黃宗澤主演的《守護神之保險調查》，唔知佢哋可唔可以繼《飛虎》再下一城得到高收視呢？雖然而家未知套劇收視有幾高，但係由台灣歌姬A-Lin唱嘅劇集主題曲已經話題十足，事關今次係A-Lin第一次唱廣東歌啊！
TVB近年在劇集主題曲製作方面都非常認真，多次找來星夢歌手演繹，而今次搵嚟A-Lin幫手當然亦唔會草草了事，她不但唱了國語版本的《真相》，更推出第一首廣東單曲《世世》，一圓她多年來想擁有一首廣東歌的心願。
網民第一次聽到A-Lin唱廣東歌都覺得好有新鮮感，仲大讚大台今次誠意十足，一定要支持新劇咁話。「嚇到我傻左！估唔到搵到A-Lin 唱廣東話歌！一開始聽都覺得似，但完全冇諗過係真。」「身為香港人，睇到國語歌手願意挑戰非母語歌已經非常感動。」
影片來源：my TV SUPER(www.mytvsuper.com)