農夫陸永（陸永權）除咗出名口材好同轉數快，其實仲係一個「女兒奴」，而佢一對寶貝囡囡Hannah同SimSim亦不時成為陸太（Reina）放閃曬家庭幸福嘅對象。日前Reina如常幫囡囡Hannah同陸永影相擺上Instagram，不過張相嘅留言就好明顯呷緊囡囡Hannah醋喇，Reina：「如果我仲有能力抱得起Hannah嘅話，影相嗰個點會係我？」。陸永作為一位好爸爸兼好情人都非常識做，即時出招氹番陸太，唔少網民都大讚陸永非常Sweet，睇嚟各位爸爸要向陸永取取經喇。
太太呷囡囡醋，要同時哄番兩個人，又唔想得失其中一位，其實真係天大難題。而陸永見到自己太太留言講到咁失落，就即時即出回應：「如果Hannah 有能力影張靚相，呢張相我抱住嗰個點會係佢？」呢個回應真係非常高招，一方面可以讚美太太拍攝技術高超，另一方面仲隱含住到囡囡識影相，就係我抱起你合照嘅時候。網民睇到呢句說話都紛紛留言讚好，仲大讚陸永有顧及前世情人同今世情人嘅感受，實屬一位好男人。
圖片來源：Missussix@Instagram
