無綫花旦朱晨麗（朱朱）近日忙於拍攝劇集，敬業嘅朱朱為求達到最佳效果，經常「搏命」演出。早前就因《法證先鋒IV》動作戲而不慎扭傷手肘甩骹，以及頸椎移位。
舊患未癒，朱朱又為民初新劇《大醬園》開工，日前她於拍攝一場三輪車送貨戲時，又不慎撞車，幸得何廣沛及時英雄救美避過受傷一劫。
朱朱仍猶有餘悸：「我之前從未踩過三輪車，今次係第一次。第一日踩，就要踩斜路仲要大轉彎，正式埋位之前導演陪我練習試戲，何廣沛坐喺我後面，劇情需要他拍一拍我背脊叫停車，我就即刻撞咗，好彩佢反應好快即刻救我，嚇到大家都好驚。」
朱朱表示：「呢部三輪車已經好大年紀，好多嘢都爛曬，自己又冇踩過三輪車，好難控制。」她又感謝導演好有耐性地不停陪她練習：「經過導演訓練，練咗好多次才順利拍攝，不過真係好驚。」