蔡卓妍（阿Sa）完成舞台劇《情敵勸退師》的演出後，近日她趁假期外遊。阿Sa向來對文明古國有濃厚的興趣，繼去年遊埃及後，今次她選擇踏足希臘，再探古城的魅力。
她在社交網貼出多張旅行照，興奮寫道：「細細個媽咪最鍾意同我講希臘神話故事，印象最深刻就係Aaron（郭富城）嘅音樂特輯《希臘驚情》，睇完之後我仲著住嫲嫲對阿婆拖鞋加毛巾被扮希臘女神。讀中學嘅時候唯一一本令我睇完又睇嘅書就係《The Greek Gods》，所以由細到大一直最最最最想去嘅地方就係希臘。 好想親眼望吓Parthenon（帕德嫩神廟），好想遊歷所有嘅古蹟，好想感受吓古希臘文明。」
見阿Sa穿着優雅白色長裙，在宏偉的神廟前扮甫士，她聲稱這是她的兒時夢想，希望大家不要笑她。
網民都留言說阿Sa是真女神，「散發住陣陣仙氣」、「永遠都係我哋心中嘅女神」，又有人留意到阿Sa笑容甜蜜，問她攝影師是否男友石恆聰。
圖片來源：蔡卓妍@Instagram