大台主打親情的劇集《親親我好媽》已播完一段長時間，而劇中「嚴家」嘅演員喺拍完劇之後並沒有曲終人散，仲會定期約出嚟聚一聚頭，感情好到如一家人一樣。日前，嚴家又約出嚟食團年飯喇，「嚴太」江美儀仲post咗嚴家「全家福」上社交網站添！
睇翻三年前嘅全家福，飾演江嘉敏童年嘅童星謝佩欣妹妹而家愈大愈靚女，笑起上嚟仲同江嘉敏餅印一樣；而正值青春期嘅熊子逸就開始散發出陣陣少女味，睇嚟好快會變做新一代女神。
嚴生黃智賢睇到三個囡囡都大個女咗，都忍唔住喺張相度留言︰「嚴家三年前，三年後，親親我好媽，團年飯，妳們都亭亭玉立了。」而嚴太江美儀就話︰「齊人啦，齊人啦。嚴家終於一家人齊齊整整食團年飯啦！」
圖片來源：江美儀@Instagram