《我是現場》音樂會006陳健安 & The Hertz於昨晚假旺角麥花臣場館舉行頭場演出，安仔與The Hertz老友鬼鬼，一開騷就玩得十分投入，不時攬頭攬頭，Bromance之情表露無遺。他們亦與台下打成一片，合唱《末日快車》時，觀眾也跟着情緒高漲，狂跳狂嗌又狂熱地高歌，玩得興起的安仔，更跳到服飾走位，台下觀眾紛紛大叫他要執返靚仔啲。在自彈自唱《廢學》一曲之前，安仔發現手上戴滿戒指彈不到結他，結果在除戒指時，The Hertz成員Herman忽然大爆在開騷前，安仔為他美甲並自稱是專業美甲師，名字叫「On Gel」；唱《上車咒》是全晚高潮位，因為安仔與Herman突然跳落台繞場一周，引來觀眾High爆尖叫，睇騷嘅Jer@MIRROR也跟着節拍搖手搖腳。
今次《我是現場》音樂會以迷失作主題，安仔說：「構思歌單時，我哋討論咗好多關於迷失嘅嘢，最後有個結論：我哋成日好多嘢想搵答案，但呢個世代好似連問問題都唔識，又或者慢慢成長後，就唔敢問問題，有恐懼喺度，變咗最叻最識問問題嘅就係小朋友。」他們又多謝自己的家人前來觀賞音樂會，而Herman爸爸也是唱歌的，當安仔問他Herman表演如何？Herman爸爸即站起來說「合格」，聽到爸爸嘉許的Herman即發出會心微笑，但都不忘搞笑道：「呢啲Asian Dad（亞洲父親），唔會讚，大家湊仔生仔唔可以咁！」
