大台節目《三日兩夜》女神陳詩欣（Eunice）將於10月底同鍾培生老友Joshua（陳爾正）拉埋天窗，日前Eunice舉行婚前派對，邀請一班靚女好友做索爆姊妹團。
Eunice索爆姊妹團成員包括余香凝、鍾晴、蔡嘉欣、陳約臨、方詩揚同鄧穎堯，姊妹團呢日著咗香檳色睡袍同白色連身裙狂影靚相，大家係咪都覺得新娘子係最靚呢？而余香凝post 完相就好感性咁留言，「知道你最近為了籌備婚禮特別精神緊張，希望這個婚前派對，可以令你輕輕鬆鬆地開心一天，婚禮當天一切都會順順利利，你將會是最美的新娘子，我們都將會是最美的姊妹團。」
圖片來源：陳詩欣、余香凝＠Instagram
