飛常日誌｜吳大強客串演失智症伯伯　遺失禁區證獲阿仔奇招打救

Bill哥哥客串飾演一名失智症伯伯。

《中年好聲音》吳大強（Bill哥哥）昨晚（16日）客串劇集《飛常日誌》，飾演一名患有失智症的福伯，與飾演他兒子的徐榮上演感人一幕。

徐榮係Bill哥哥劇入面個仔。

作為演戲初哥演繹失智老人，Bill哥哥獲監製陳耀全（Andy）大讚記對白一流，大部分鏡頭近乎一Take過完成。Bill哥哥則坦言：「心情都會有啲緊張，因為拍劇我始終都係新手，又要講對白，表情又要做到足，係有啲難度。」他還特別感謝「哎吔阿仔」徐榮：「佢都幫咗我好多，好希望有機會再做多次佢老竇！」

Bill哥哥又預告在劇中將和真．兒子吳偉豪有對手戲，「同個仔拍劇感覺好特別，喺佢面前演戲感覺就踏實啲，就算我有咩做錯，佢都唔會俾面色我睇，我諗佢都唔敢嘅，同埋佢都幫咗我好多，好帶到我入戲。」

仲特別感謝徐榮嘅幫忙。

Bill哥哥自爆連串蝦碌事件，其中有次更因為遺失禁區證險些報警收場，幸好吳偉豪與爸爸「心有靈犀」，即時想到事件來龍去脈、拯救了父親。Bill哥哥說：「嗰次好失魂咁唔見咗張證，搵極都搵唔到，去到最後俾個仔搵到，原來張證跌咗去我隻襪入面，呢個真係千古奇聞，好彩最後都搵得番，冇影響到拍攝進度！」

Bill哥哥遺失禁區證，好彩最後靠真．仔仔吳偉豪幫手搵番。