Advertisement

陳家樂自爆BB名「叫『陳設』英文名Deco。」 周家怡:想佢將來做設計師 李靖筠:問准你老婆未

本地
2024.03.22
撰文:齊森

 

whatsapp-image-2024-03-22-at-6-24-38-pm-10由周家怡、李靖筠(Gladys)兩位女車神主理的介紹靚車節目《恨駕女團》,日前推出的一集請來陳家樂任嘉賓,節目組更借來一架二百多萬的凌志開逢跑車拍攝。

對於即將做老竇的家樂,家怡及Gladys暗地裏做了一個「好老公check list」出來,包括:⁠冇錯都要say sorry先、⁠識幫老婆打卡⁠、⁠認真傾聽老婆說話、⁠入得廚房、以老婆為優先、⁠EQ高、讚賞另一半及要感謝另一半,來測試家樂是否一個好老公,不過未開始測試,Gladys已大讚家樂是好老公,「佢超以老婆為優先,陳太係佢嘅世界,我都覺得佢哋係模範夫妻。成日都見到佢讚老婆:『老婆你好叻呀。』」

whatsapp-image-2024-02-24-at-12-34-16-1

隨後測試馬上開始,首先家怡問到家樂會否下廚?家樂則謂沒問題,早前更煮了一道蒜蓉粉絲開邊蒸蝦;之後家怡又問如果自己沒有做錯事,但老婆很嬲,家樂會否先say sorry,家樂笑說以前不會現在會,「都係為自己將來幸福啫,哈哈。其實有時仲未100%做到,有啲位我係比較鍾意同人辯論、辯駁嘅人,盡量啦,呢半年有咗小朋友,太太啲情緒可能會更加容易被觸動,我就更加要遷就。」之後家怡又叫家樂幫她們拍照,成品出來後,家怡大讚,「ok喎,佢真係有好多唔同角度喎。」經過種種測試﹐二人認為家樂絕對達標,除認可是一名好老公,更是是絕世好男人。

whatsapp-image-2024-03-22-at-6-24-38-pm-4 whatsapp-image-2024-03-22-at-6-24-38-pm-5 whatsapp-image-2024-03-22-at-6-24-38-pm-3

隨後三人又談到為BB改名,家樂直言已有想法,更大讚自己更得好,名字男女都適用,「叫陳徹。」Gladys頓了「吓」了一聲!家怡即說:「等陣先,我真係勸你唔好,『陳設』係用嚟擺㗎!」不過家樂未有理會,繼續自顧自繼續說:「英文名我都諗埋㗎啦,(Gladys:Furniture!)唔係,叫Deco。」家怡笑問是否想小朋友將來做設計師?Gladys又問陳太是否批准,家樂坦言未獲批準,但自己喜歡兩個字的名字。問到為甚麼要這樣做,家樂謂:「有型啫!」但家怡及Gladys即裝出嫌棄的神情,家怡更謂:「你真心覺得有型?我開始覺得同佢溝通唔到,佢覺得有型嘅嘢我一啲都唔覺得。」

姜濤 陳卓賢 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹