Advertisement

神耆小子|冼靖峰細數鄭則士3大暖心行徑 一個原因勁有親切感

本地
2024.04.28

10

無綫新劇《神耆小子》由兩屆金像影帝得主鄭則士(Kent哥),夥拍劇集界新丁冼靖峰(Archie)攜手演出,故事講述白手興家的零食集團「勁威威」CEO錢大海(鄭則士飾),由於硬淨成性,無論在商場或屋企均是「有佢講冇人講」;面對大海的高壓手法,兒子繼來(曹永廉飾)、女兒有方(傅嘉莉飾),及情人知己洪玫瑰(樊亦敏飾)表面言聽計從,實則各有各陽奉陰違,大海對三人亦存有極大疑心,經常以遺囑作為威脅三人籌碼…一天大海上班途中突遭綁架,綁匪聲稱是其家人指示,自此「查找綁架叛徒」風波一觸即發,偶然路過綁架現場的趙一鳴(冼靖峰飾)在「冇得揀」的情況下成了大海私人偵探,並遭威逼收留大海;豈料回到家竟發現父親子勇(蕭正楠飾)與大海有陳年血海深仇;主角們錯綜複雜的關係、配以出乎意料的劇情發展,及充斥抵死鬥氣金句的場口,輕鬆惹笑亦不失懸疑。

Kent哥演出過無數經典影視作品,當中最為人津津樂道的角色絕對是肥貓,當年Kent哥亦是因《肥貓正傳》與《神耆小子》監製王偉仁(Simon)結緣。為了凸顯Kent哥錢大海一角的霸道,Simon專誠為其設計了「老虎狗」Image,並大讚認識了近三十年的Kent哥易話為,亦是整套劇集的靈魂人物,Simon說:「只要Kent哥喺度,所有演員同台前幕後都會寧舍開心同埋專注。Kent哥有一樣嘢真係幾十年都咁專業,就係佢永遠唔會遲到、仲例必比通告時間早半小時到做準備,好值得欣賞。」

演戲演足50年的Kent哥,是次主要對手竟是劇壇新丁Archie,雖然二人演齡差距頗大,但演出卻一拍即合,在連場與Kent哥的互拋場口,Archie不但「戲勢」頂得住,就連涉及勁多IT專有名詞的對白亦應付自如, Archie笑言全靠Kent哥貼身指點,並細數對方3大暖心行徑,首先是教講對白加揣摩角色,然後是近乎24小時貼身指導及慰問,第三點則是樂於與後輩分享人生經驗:「由Day 1去到最尾嗰日,Kent哥都係教緊我嘢,佢知我演戲經驗好少,佢唔單止教我講對白,仲教我點分析角色同揣摩角色對於故仔嘅功能。同Kent哥拍完每場戲,喺休息時間佢都會講解番場戲點解要咁做;每日拍完一齊食飯,佢又會講番我聽佢嘅相關經驗、同我點樣可以去更好咁裝備自己。」

與Kent哥份外投緣的Archie,慶幸自己遇上好前輩,「佢連Off cam之後返到屋企,都會再Text我,教我邊場邊場可以注意啲乜,臨尾仲一定加句:『希望你拍攝順利啦』。Kent哥又會同我傾偈時教我好多人生道理,用佢嘅人生經驗教我點去看待自己嘅事業。拍完套劇我就去咗拍《亞洲超星團》,Kent哥差唔多每兩、三日就同我講加油,問我咩狀況、有冇咩困難?呢啲前輩邊度搵?」Archie坦言Kent哥與自己已過身的爺爺很相像,「都係佻皮得嚟又有威嚴,所以對住Kent哥,我係愈嚟愈唔怕佢,一開始都驚佢㗎。」另外,Archie還感激樊亦敏(Amy)的提點:「我平時會睇多啲IT嘅嘢,呢個係Amy姐教我嘅,到我睇劇本時我就知個term講緊咩,就可以好有自信咁講到出嚟,咁角色嘅說服力會強好多。」

聲夢傳奇 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹