Advertisement

炎明熹19歲生日前夕出新歌 首與MV男主角頭貼頭攬攬

本地
2024.04.08
撰文:孜卓芹
Gigi同男主角好親密。
Gigi同男主角好親密。
【今日睇咗未?】炎明熹19歲生日前夕出新歌 首與MV男主角頭貼頭攬攬|放下身段為後輩按摩 劉松仁《利瑪竇》做打雜(08/04/2024)

炎明熹(Gigi)明日(9日)將迎來19歲生日,生日前夕推出新作《還有一艘救生艙》慶生,對新歌「一聽鍾情」的Gigi首次大膽地向監製提出參與編曲,更在MV裏奉獻了多個第一次。今次MV的故事講她與男友長期分隔異地,但對方卻背着她另結新歡,事件最終被Gigi發現,令她心如刀割。

導演要Gigi拿着手機,幻想與男主角對話,此時Gigi的淚水決堤式滑落、雙唇不自覺地抖震,呈現了被感情出賣的那份痛。她說:「開拍MV前,導演已經同我講咗一次個故事,雖然我冇經歷過,唔可以話感同身受,但至少拍MV時俾到我一種纏綿、開心、幸福嘅感覺,當然我哋嘅男主角Timothy好帶動到我入戲,我亦冇諗過會喊到出嚟,平時一係喊唔到,一係就谷住咗,feel到要喊,但又冇眼淚,所以今日係好幸運嘅一天。」

Gigi坦言沒想過拍攝時真的喊得出。
Gigi坦言沒想過拍攝時真的喊得出。

除了以上因素,原來當時手機顯示的時間,也觸動了Gigi的淚腺神經。「其實手機都有好大嘅幫助,因為當我想打電話嘅時候,個時間咁啱係『520』(國語:我愛你),所以一望到就喊。」Gigi說。

第一次拍MV淚崩,也是Gigi第一次拍MV與男主角如此親密,導演加入了大量二人甜蜜的拍拖畫面,包括在無人的街上拖手擁抱、在電話亭互餵蛋糕,還有到遊樂場玩滾軸溜冰,但最搞笑是原來Gigi與男主角Timothy從未玩過滾軸溜冰,兩人根本舉步難行,最後導演讓他們脫去溜冰鞋,穿上襪子在場內「扮溜冰」,兩人才鬆一口氣,在鏡頭前展現頭貼頭的甜蜜畫面。\

「上次拍《Only For Me》MV跳華爾滋,我覺得已經同男主角好近,估唔到今次更近,算係一個新嘗試,同埋大家投入咗喺戲入面,所以唔會覺得尷尬,或者有唔舒服嘅地方。」

至於在拍攝時,不時見到Gigi忍不住笑,她解釋:「其實我笑點比較低,我忍唔住笑唔係因為尷尬,係自己搞到自己笑,例如剛才我見到男主角出軌嘅訊息,對方留言話:Do You Want Me?再加埋個心心emoji,我一見到就笑咗,覺得好肉麻,同埋我平時影相,啲人叫我俾心心,我係唔會做,因為俾心心我覺得有啲尷尬,所以剛才一見到就笑咗出嚟。」

頭貼頭好Sweet。
頭貼頭好Sweet。
姜濤 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹