洪永城梁諾妍（Inez）今年結婚，轉眼間佢哋嘅愛情結晶品出咗世喇~！ B女英文名叫Amber，重6.2磅，洪永城透露梁諾妍痛足14個鐘，Amber 先出到嚟見爸爸媽媽。
洪永城接受傳媒訪問時表示囡囡出世喺最好嘅時機出世，因為可以同佢哋過唔少節目，一齊慶祝，「多謝大家關心，Amber出世了，母女平安，放心我們會好好照顧佢，令佢成為健康、快樂、開心嘅小朋友，我覺得佢係一位福星，佢已經帶咗好多歡樂俾我哋，可以同我哋一齊過冬至、聖誕、新年，所以佢而家出世一定係perfect timing.
洪永城全文︰
大家好，我叫Amber，係人馬女，重6.2磅，想同大家打個招呼，我在荃灣港安出世，我一出世，姐姐同叔叔就話「嘩，好似爸爸呀！」跟住我望望爸爸媽媽，我有唔開心，因為我想似媽媽多少少，媽媽好靚。
我知道媽媽痛了十四小時，催生了兩次，都開唔到宮頸，但係佢堅持到最後一刻，我聽到佢每2分鐘就痛一次，我仲聽到爸爸話隻手就斷，媽媽好偉大。
多謝張智醫生哥哥、Ruby 姐姐同呢度所有的護士姐姐， 你哋好有愛，好照顧我，我會快高長大、孝順同好乖，會照顧媽媽，帶歡樂俾大家……哈哈，至於爸爸，我好肚餓，可唔可以快去搵奶粉錢呀。
