Advertisement

泳兒宣傳新歌快閃派利市 笑指:全部都係貪錢鬼

本地
2024.03.21
撰文:孜卓芹
泳兒當街派錢好奮。
泳兒當街派錢好奮。

泳兒(Vincy)為宣傳新歌《撞到正》,她跟網上平台即興到旺角跟網民大玩尋寶遊戲,Vincy去到遊戲地點後,即在其IG公布「尋寶」的時間及地點等消息,當「有緣人」見到Vincy,只要說出「暗號」:「我撞到正泳兒,你真係好鬼正。」便可以得到一封$100利市。

當見到泳兒及說出暗號就有$100利市。
當見到泳兒及說出暗號就有$100利市。

尋寶遊戲共3場,早前已於旺角進行第一場,短短半小時,Vincy手中30封利市便一派而空,反應熱烈。Vincy笑說完全感受到大家非常現實:「全部都係為咗錢過嚟,我首歌係講人比鬼更可怕,原來係真嘅,全部都係貪錢鬼,哈哈。本身諗住宣傳隻歌,但係大家一嚟到,我問佢哋搵邊個,佢哋就話:『搵錢。』笑死我。不過最緊要大家開心,攞完錢之餘都碌吓我隻新歌《撞到正》。」

泳兒話最緊要大家開心。
泳兒話最緊要大家開心。

接下來的第二及第三場分別於星期五(22日)及星期日(24日)進行,Vincy坦言因為金額將會提升,所以她要堅守遊戲規則,一定要說對暗號才派發獎金,「我唔可以咁心軟,同埋難度會提升,自己都諗吓有啲乜嘢難題去問大家,因為聽聞呢個平台平時啲遊戲係好難玩,所以我要提醒大家如果要拎錢嘅話,就要留心睇吓我哋嘅遊戲規則啦。」

預告餘下兩場會加碼。
預告餘下兩場會加碼。
陳卓賢 MIRROR 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹