Advertisement

新歌撼贏韓國女團 周殷廷YT曾經歷「雙失」時期│周殷廷專訪

亞洲
2024.03.29
撰文:劉家倫攝影:鍾漢平

出道九年的Yan Ting周殷廷(YT),曾經因發展不順而打算轉行,更消失幕前一段時間,直至21年主唱ViuTV劇集《太平紋身店》主題曲《遲了悔改》才爆出,令大眾記起這位歌手,唱片公司於是遊說已定居在新加坡的YT回港,重新發展。

這幾年,YT經歷過求婚失敗,將自己的愛情故事寫入新歌《三生有幸》,自己拍埋MV,上架幾日已衝上了YouTube音樂發燒榜第一位,被連登仔開po大叫「YT不紅天理不容」。時也命也,遲到好過冇到,正好形容YT的歌手路。

whatsapp-image-2024-03-28-at-14-58-35-1

香港出生的YT,幼稚園時隨家人移民新加坡,直至小學時回流香港,但因未能適應香港課程,再返回新加坡完成小學及中學,除在當地服兵役,也修讀電影、音響、錄像等專上文憑。

《三生有幸》MV
《三生有幸》MV

早在15歲,YT已立志成為歌手,膽粗粗向各大唱片公司自薦,「我不是出身音樂世家,唱歌和樂器都是自學,想入音樂學院但唔夠門檻,只好跳入電影圈,有教點樣做audio recording,學識點樣錄demo和拍片,拎住呢門手藝返到香港,逐間唱片公司敲門,無論大大細細都好,電影公司、模特兒公司、唱片公司,我每一間都敲過,每日就坐住喺reception,當然好多人reject啦,亦都有人肯出去見吓呢個傻佬。」到了14年,YT終獲香港新藝寶唱片賞識,翌年正式出道,當時唱片公司曾開大型記者會宣布。

YT以「見山是山、見山不是山、見山還是山」,來形容這九年的歌手路,「25歲正式出道,終於覺得自己係一位歌手,我做到喇,但發現原來見山不是山,三年乜成績都冇,冇人聽冇人識,公司開始要收窄budget,啱㗎喎,在商言商,個遊戲我輸咗,我係一個失敗歌手。」

431988679_10160187870581304_7681133651582928290_n

九年後的今天,事業終於有起色,YT將於五月舉辦首個個人演唱會,演唱會命名為《WHO IS YAN TING》,帶點諷刺,這句是YT出道時的宣傳slogan,「出道的時候開會,諗過周街貼上『WHO IS YAN TING?』海報,可是最後做唔成,估唔到行了一個大圈,隔了九年完成這件事。我相信這個演唱會,就是『WHO IS YAN TING?』的答案。」

打算與拍拖十六年的初戀女友求婚之際,對方竟提出分手。
打算與拍拖十六年的初戀女友求婚之際,對方竟提出分手。

之前突然消失幕前,YT解釋︰「事業都去到低谷,我覺得唔可以停留喺度,我要嘗試去學習唔同嘅嘢,去學電影、做電影、拍廣告、做agency、做marketing,同音樂有冇關係?我發覺做一首歌除了好聽,亦要點樣令到別人聽到,這些技能係我在這些地方學識。」

《 LOUDER 》 MV
《 LOUDER 》 MV

當時YT有個初戀女友,拍拖十六年,他打算求婚之際,女友竟然提出分手,一下子YT要接受「雙失」,「當時返新加坡的時候,一心諗住求婚,但最後冇成功,佢話諗咗好耐,不如分開啦,其實無任何背叛成分,佢講出來的時候好淡然,但對我來說就晴天霹靂,瞓醒喊、行路又喊,每日就喺條街遊蕩三、四個鐘,諗緊人生係為乜?事業一事無成,連最緊要嘅一段感情都失去,更加令我決定留喺新加坡,有嘗試挽回呢段關係,可惜都唔成功。」

420556941_772171861399052_987085967711544398_n

YT在新加坡朋友的一間餅店學整餅,每日教朋友的孩子做功課,湊返學放學,打算過一個平凡人生,「有日環球唱片打嚟,話我錄低咗一首歌,終於有人聽到喇,就係《太平紋身店》首主題曲《遲了悔改》,問我想唔想返香港呀?當時覺得做歌手條命已經完咗。直到有日,我去接朋友個仔放學,一打開門佢就攬住我,我突然間想起爸爸接我放學時嘅感覺,我想返香港了,環球話仲有最後一首歌可以做,問我想唔想試吓?我話最後一首,可唔可以俾我做自己想做嘅嘢?至少俾我自己畫上句號,呢首歌就係《意外現場》。」

最近YT推出包辦曲詞、監製和執導MV的新歌《三生有幸》,講述被前度邀請出席婚禮,引起很多樂迷共鳴,歌曲短短幾天就衝上了YouTube 「音樂發燒影片排行 #1」,衝破180萬點擊,更撼低韓國人氣女團LE SSERAFIM的新歌,問YT是否寫自己的故事?他說:「首歌係將好多自己嘅感受加入去,算係《遲了悔改》、《意外現場》的第三部曲。我都會問自己,如果有日,真係被邀請去佢嘅婚禮,會唔會去呢?呢個係我最personal嘅故仔,俾其他人寫,都唔會寫到我心入面嗰種感覺。」

木村光希 宋慧喬 車銀優
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹