古巨基 (基仔) 去年3月宣布誕下囝囝古晋匡（Kuson），基仔為了家人健康，在疫情間閉關專心做湊仔公。闊別歌壇接近兩年，基仔近月終於出關，早前已與香港中樂團合作，於慈山寺舉行音樂會，愛兒Kuson更是成為最年輕的粉絲，在場大聲為爸爸應援。
基仔今日在社交網上傳一段Kuson聽爸爸唱歌片段，片中見Kuson閉上眼睛享受爸爸的歌聲，網民也大讚他可愛，「Kuson 好投入，好多表情，好可愛！佢同你一個餅印」、「演技好似好過古sir很多喔，係咪要衝擊奧斯卡」。
基仔寫道：「我屋企有個『影帝』！啲情緒由內到外再走返入內，好有層次嘅變化。事緣Kuson之前第一次現場聽過我唱《花灑》之後，佢而家聽到我唱『啦啦啦』會咁樣～係我哋唱得太令人陶醉定係佢交戲，你哋話喇。」
圖片來源：古巨基@Instagram
