咁你都唔識｜周吉佩勁嫌棄曹敏寶 C君讚魏嘉信「真智慧」

雖然吉吉扮晒嬲，但見敏寶畀佢鬧完之後笑晒口又搭晒膊頭，就知佢哋搞氣氛啦。

鄭詩君（C君）、黃紫恩（Jojo）與謝嘉怡（Lisa）主持的遊戲節目《咁你都唔識》後晚（4日）播出的第四集，邀得的三組嘉賓全部來自《中年好聲音》，包括近日夥拍綜藝節目《煮東煮西》的支嚳儀與顏志恒、相識16載的好友周吉佩與曹敏寶，及兩位唱將魏嘉信與林鉫徫。

第一組嘉賓：支嚳儀與顏志恒

雖然吉吉與敏寶感情要好是公開事實，但二人甫出場即瘋狂鬥嘴，敏寶更一嚟即向吉吉下戰書，可惜全程「講多錯多」，遭吉吉連番割蓆：「我見到佢揀呢個答案，我就知道呢個人冇乜文化。」更一度嬲到成個彈起：「乜嘢呀！你唔好再講嘢喇你！」敏寶則一味掛住笑，二人甚有化學作用。

+2

向來表情欠奉的魏嘉信，原來是「冷笑話」高手，他出場時揚言：「贏唔到我哋唔姓陳！」他與鉫徫根本都不是姓陳。之後，嘉信又出動三寸不爛之舌，解釋「醟」字讀音由來，說時口齒伶俐兼信心十足，令Ｃ君亦聽至雙眼發光，並甘拜下風謂：「你直頭係嚟破解我哋嘅遊戲！知識推理智慧王！佢呢啲智慧唔係假，係『真智慧』（音：曾志偉）。」Jojo亦沒好氣謂：「不如我俾個主持你做吖！」

至於嘉信嘅答案，簡直係技驚四座。

至於支支則繼續「唱歌成癮」及大拋英文生字，又全程與顏志恒大玩包剪揼及點指兵兵決定出場人選及回答答案。