Advertisement

劉以達自資七位數開騷壓力大 感激老婆撻返着音樂團火|劉以達專訪

本地
2024.01.26
撰文:文嘉龍攝影:鍾漢平

whatsapp-image-2024-01-24-at-5-58-41-pm-46 whatsapp-image-2024-01-24-at-7-00-21-pm劉以達近來有很多重要日子,上月2日是他與達嫂25周年銀婚大日子,下月就舉行兩場自資的作品展音樂會,而《方丈尋根記II》(中傳)亦同步面世;到了完騷兩日後,達哥將踏入61歲生日。

劉以達自資開騷壓力大 感激老婆撻返着團火|企返上台「想後生仔知我玩音樂出身」|達明一派40年 達哥與黃耀明的半生緣

達嫂說,今次要撻返着達哥團音樂火,達哥就話:「好多後生仔,以為我只不過係一個諧星,今次搞呢個騷,我想多啲年輕人知道,我係玩音樂出身!」達嫂又話,看《叱咤》見到尹光,她就在心中吶喊,「尹光都得,劉以達你一定得㗎!」再見到近來接連有藝人自殺,她要老公「不要放棄,點艱難都可以企返喺台上面!」

尋根,達B要尋回音樂的根。

whatsapp-image-2024-01-24-at-5-58-41-pm-67 whatsapp-image-2024-01-24-at-5-58-41-pm-68今次自資開騷,場地在麥花臣,劉以達開完會才知預算那麼高,不過他說都要「博一博」,「等咗兩個月左右,回覆我話得喇,俾錢先落訂,開完會發現原來預算咁高,紅館騷咁高,依家都係我自資,我搵咗差唔多有七位數字搞呢場騷,所以都幾頭痛,但係第一本前傳《方丈尋根記》嘅錢啱啱好(賺),有少少凸,不如就博一博,因為好想做騷,手痕呀!」

正如達嫂話齋,要撻返着達哥音樂團火。很多年輕新世代,可能只知道劉以達是個電影搞笑演員,周星馳電影中的諧星,根本不知道上個世紀八十年代的劉以達,玩音樂如何厲害,達哥亦坦言:「我一出街,好多人叫我方丈(《食神》夢遺大師),我會Hi佢,尤其後生仔,個個都以為我係方丈或大夫(《大內密探零零發》),大夫係一個台詞,佢哋以為我只不過係一個諧星,所以我想俾多啲香港人認識我(音樂),尤其出呢本書可以講到,另外搞呢個騷,亦希望多啲年輕人知道,我係玩音樂出身。我唔係自誇啦,我都可以講有啲影響力,喺香港嚟講,其他國家我唔知,內地都有一班人認識我,我知道!」

達明固然是經典,劉以達於不同階段亦為不少歌星創作,先後為兩代「歌神」許冠傑和張學友作曲,也為天后級如林憶蓮、關淑怡和王菲等操刀,今次作品展將會找來新生代重新演繹經典,「天后王菲,大家都知道《流星》最熟悉,而《誘惑我》係《誘僧》主題曲,亦係我第一次攞金馬獎(最佳電影配樂);仲有一段時間,我有組band『劉以達與夢』,可能少人知道!依家有啲新創作女歌手無乜機會,今次可以有個平台,俾佢哋表演或者唱歌,我都有同佢哋講過,如果有啲錢,唔使俾家用,家境頗為富裕,可以行我呢條橋,首先自己一定要有talent,作歌唱歌編曲或者錄埋音,依家好興,屋企電腦搞掂晒,post上YouTube拍埋MV,自然會有好多人去睇!例如有一個就係陳嘉,最近佢post咗一首歌叫《NOISY》,我好喜歡,而且佢MV拍得好好,拍得住國際水準,呢啲新一代女歌手,要新一代觀眾認識。今次個騷,用女聲嚟唱達明《石頭記》,好多人未聽過女仔唱《石頭記》,到時大家就知!除咗新一代歌手,仲有一個重量級神秘嘉賓,都係女仔,佢喺香港好出名,唔講得住!」

下月23、24日完成兩場騷後,達哥於27日將踏入61歲,「個騷之後兩日,我就係61歲大壽,當日應該計劃緊做慶功宴,搵個地方大家聚埋,成班人去慶功食飯。我老婆經常講,話我自己嫌老,我覺得自己都係老嘅,但喺台上,我就變咗第二個人,會活力啲、勁啲、型啲!」

同明哥中秋食月餅

whatsapp-image-2024-01-24-at-5-58-41-pm-41上個月2日,也是達哥與達嫂結婚25周年紀念,一路走過高山低谷,同行廿五年得來不易,達哥坦言:「如果話我老婆點影響我,就是佢那種衝勁和樂觀性格,令我心情不好或者好down的時候,去鼓勵我,或者提示我去做一啲事,令我樂觀啲,工作上佢都有一定build up,現實來說,係一啲搵錢方法!情感上,佢一定冇得頂啦,大佬!佢對外好OK,差唔多係我發言人,所以佢對我非常好,我覺得佢好可愛!其實我同我老婆,都有一個共通點,我諗緊呢樣嘢嘅時候,佢隔幾日就會鼓勵我,又係講緊同一件事,我哋幾有默契,佢一講,我就會做,或者係佢同我諗埋點樣做,佢又會叫我唔好咁down,行下街做下運動啦,呢啲生活瑣碎嘢!」

與達嫂走過半生緣外,劉以達生命中另一位重要人物,是黃耀明。「我同明哥個關係,情感上嘅問題,當時第一浸的達明,我們關係比較類似一個同事,一放工就很少來往,開工時就成日一齊,但到依家咁多年後,大家情意結慢慢積聚去到頂點,去到依家呢個階段,我們稱為老友,由一個最初無乜溝通,或者冇乜講心事情況下,變成依家老友記。」達與明,一切都在心中。去年中秋,明哥就即興約了達哥,「我哋經常都有傾下電話,見面就大概一年兩、三次。明哥有一次,好好笑,上年中秋節,佢喺粉嶺打電話俾我,問我依家係咪喺屋企?如果喺屋企就等佢,佢喺粉嶺飛車過嚟,送盒月餅俾我食!上到嚟,大家一齊食,佢好為食,最鍾意食月餅一啲甜嘢,我哋每人食咗一個!」

食月餅,達哥都要食藥。他的情緒病,到現在仍要每天食藥。劉以達說:「基本上要每日食,食藥會令到個人攰啲,記性無咁好,但係唔食,個人又會吽啲!」信教多年的達哥,因為有信仰支持,亦令心境改變,「因為我信咗耶穌,近期有件事很奇怪,我遇到一位牧師,牧師同我祈完禱之後,我竟然可以有一隻安眠藥,唔食都可以瞓到覺,我哋叫做神蹟,但普通人就會『咁啱得咁橋』解釋!信仰幫助到我思考,等自己思想無咁負面,個人樂觀啲,計劃總有阻滯,好似依家搞呢場騷,要搵好多人幫手,同埋一腳踢,反而壓力大咗,但我老婆會同我講,唔使一腳踢,專心玩好音樂,分工合作,佢會同我擋到好多嘢!」大家一齊撐呀!

髮型:Ivan Lee@I.A SALON
化妝:Cosette@eyemakeup
場地提供:Hopera Bar & Lounge

星級企業大獎2020 姜濤 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹