Advertisement

余德丞演同志即興加戲錫錫 請教Do姐余迪偉意見打底

本地
2023.12.08
撰文:卡林
whatsapp-image-2023-12-08-at-3-16-01-pm-12
余德丞首次挑戰HeHe角色!

由吳肇軒、楊偲泳、陳穎欣等主演的《轉角浣紗街》,講述位於浣紗街的咖啡店所發生的愛情故事,劇集亦邀請了多位「串星」參演,當中余德丞首次挑戰HeHe角色,跟飾演另一半的鄒文正上演求婚戲,鏡頭前二人表現溫馨,又抱抱又錫手,不過鏡頭後卻大叫尷尬!

 

余德丞飾演一名男同志,講述他在咖啡店邂逅鄒文正,並一見鍾情愛上對方,繼而進行一次浪漫求婚,最終成功抱得美男歸。拍攝期間,余德丞跟鄒文正不僅拖手,而且又攬又抱,余德丞表示:「第一次演男同志,導演邀請我演出今次角色前,都有問我會唔會抗拒,我諗咗一陣,發現現實生活中都有好多同志朋友,所以現今社會根本唔會存在有色眼鏡,我亦好樂意接受挑戰。」

 

兩人首次合作,但表現甚有默契,更在「情到濃時」即興加戲親吻對方手背,余德丞指:「係自己加,同導演了解過角色,最緊要演出真摯情感,當下我覺得有需要,於是就錫咗!不過其實都有啲尷尬,始終嚟到片場先第一次認識Terry(鄒文正),拍攝過程又少不免有肢體接觸,都會擔心對方抗拒,幸好大家埋位前有傾過,對之後嘅拍攝好有幫助。」為了演好男同志角色,余德丞自言做足準備:「有問過Do姐(鄭裕玲)及余迪偉意見,因為佢哋睇好多BL劇,加上自己好耐冇拍劇,所以問定多啲意見打底。」至於現實生活中可有曾被同性追求?余德丞大方表示試過:「有被追求過!但當時我表明自己性取向,之後大家都依然係好朋友。」

MIRROR 聲夢傳奇 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹