Advertisement

《李克勤演唱會》騙徒以時薪100元聘請演唱會助理 克勤呼籲歌迷勿上當

本地
2023.05.02
撰文:齊森

whatsapp-image-2023-05-02-at-8-29-30-pm-2

李克勤將於本月中在紅館舉行一連6場《弦續‧港樂演唱會》,由於演唱會反應熱烈,日前宣布終極加開第7場,今天(3日)於城市售票網公開發售。不過有騙徒代克勤及主辦單位,公開招聘員工及助理,乘機騙人,更表示薪金每小時100元,晚上於紅館上班,還有付上聯絡電話。

 

克勤對這個招聘廣告被瘋傳,感到驚訝及好奇:「工作人員試咗個應徵電話,對方話目前李克勤助理這個職位太多人申請,叫佢轉去做線上票務助理。之後繼續問佢,對方又亂說一堆人工非常優厚,但要接受培訓…真係答應做,就有負責人再親自聯絡,等半天又再出現另一個自稱主持人,再來聯絡我哋工作人員,就俾咗條Link叫佢入去登記,當然我哋係唔會登記,無論點樣,我都想再三提醒大家,千祈唔好相信呢啲招聘,我哋並無因為演唱會,招聘任何線上線下助理。」克勤表示曾有人用假帳號於社交平台DM他的一些朋友或粉絲,問他們借錢,幸好他的朋友及粉絲都非常聰明,並無上當,克勤再三呼籲若發現網上不明來歷信息,千萬不要誤信:「一見到就Block咗佢啦。」

星級企業大獎2020 聲夢傳奇 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹