Twins《TWINS SPIRIT SINCE 2001 LIVE IN HONG KONG》，上星期宣布加開終極第13及14場，門票今日（12日）公開發售，並於兩小時內全部售完！收到這個好消息，蔡卓妍（阿Sa）和鍾欣潼（阿嬌）都非常開心，為答謝歌迷支持，她們率先提早把演唱會紀念T-SHIRT穿上身給大家看，看來歌迷撲完飛又要撲衫！
最近每日都為演唱會籌備綵排的Twins，由早忙到晚，練歌排舞開會，行程密麻麻，每日也過得充實而開心，阿嬌說︰「因為好多謝歌迷咁支持，所有其他工作都暫停晒架啦，依家全力開火都係演唱會排練，本來諗住冇咁早公開紀念品，不過今早排練時，聽到咁好消息，兩個鐘售完，真係好感動，今日啱啱收到紀念T-SHIRT個樣版，所以即刻同阿SA換件紀念版比大家睇下先，係咪好靚。」阿Sa說︰「係咪好靚？同出面一般T-SHIRT係唔同㗎，係會長身少少，因為我哋覺得長身少少，著起嚟易襯好睇。所以為咗呢件T-SHIRT，我哋辦形都改咗幾次，用我哋兩個屋企自己最鐘意的辦形跟住踱長度，所以著上係絕對靚靚。」
對於歌迷怕買不到演唱會T-SHIRT，問到會否在網上優先給歌迷會訂購？Twins不約而同表示，「冷靜啲，唔止一個款，有好多唔同款，所以慢慢比時間我地會公布。」