由八位天后擔綱主演的《盜海豪情：8美千嬌》，未上映已經再次帶起有關女性電影話題。但原來，唔係多女角色就會被視為「合格」的女性電影，荷里活有個「Bechdel Test」就係專門測試一下女性在主流電影有否受到歧視，測驗有三個指標：1. 片中至少有兩個有名字的女角、2. 她們有對話場口、3. 對話內容不只是談及男性。指標看似簡單，然而近年能通過測驗的主流電影數量仍不多，甚至好多以女性做主角的電影亦未必能通過，反而有啲你估唔到的又得咗，早前《盜海豪情：8美千嬌》一眾女主角宣傳時就好高興咁話過到測驗，證明要通過都唔係易事，以下幾部電影，你又估下Pass定Fail？
縱然有姬拉麗莉（Keira Knightley）與艾莉西亞菲瑾德（Alicia Vikander）兩大女主角坐鎮，又是以女性勾心鬥角為主題，可惜她們的對話全與男人有關。
George Miller的《Mad Max》系列一直以男主角米路吉遜為中心，來到第四部曲，卻改為查理絲花朗由頭帶到尾，跟隨她逃生的女角亦表現剛烈，完美通過測驗。
安祖蓮娜祖莉飾演的羅拉貴為一代電影icon女角，也通過不到測試，全因羅拉是全片唯一有名有姓的女角色，而跟她有互動的角色全部係男性！
雖然這套B級喜劇大玩低俗笑話，不過成班女人的傾計內容完全與男人無關，而係講友情，亦大膽講女性黑暗面，所以一上映即大破票房紀錄，正式開拓女性B級喜劇的龐大市場，試問咁又點會唔通過呢？
係咪估唔到這部驚悚片都通過到？雖然全片都在瘋狂殺人，但原來女主角Sydney同老友Tatem逃生的時候，曾傾訴對死去媽媽的掛念而唔係講愛情講男人，所以通過測驗。
圖片來源：互聯網