高海寧(高Ling)近年於內地發展不俗，趁近日未有工作在身的她，即相約女友人行山及吃豆腐花，但高Ling一見碗豆腐花即哭笑不得，因為跟平時大家吃的完全不同，她即拍片放於社交網的限時動態，寫道:「我以為的豆腐花，實際的豆腐花！」親自試味後，吃了一啖即笑到見牙唔見眼，「唔係喎！幾香喎！『鞋』咗少少囉！但真係幾香喎！唔係講笑喎！但係佢唔係豆腐花囉！係豆腐加白沙糖！」從表情所見，碗「豆腐花」有幾好味就自己諗。食完之後，搞到高Ling要喺山上跳開心舞。
