汪阿姐日前剛與家英哥完成雲頂演唱會，轉過頭已經要趕上順德進行下一場工作，真係勤力過翁翁翁小蜜蜂啊！到底下場有咩咁吸引，要令到阿姐覺都唔瞓要聲上順德呢？原來四哥謝賢同霆鋒一早約咗阿姐一齊去順德食私房菜，Chef Lemon仲即席大顯身手整咗一道鋒味炒牛奶添！
汪阿姐試完霆鋒手勢後，大讚呢味菜式食到佢覺得好感動，而四哥見到阿姐食到舉起手指公亦表示好開心。睇嚟霆鋒近年喺廚藝方面下嘅苦功絕無白費，唔知佢嚟緊會唔會參考阿爺廚房開實體店，令普羅大眾都可以一嘗熱辣辣的十二味鋒味呢！
圖片來源：汪明荃@Instagram