梁洛施（Isabella）今年正式踏入三十歲，生日當日佢特別開咗新嘅Instagram賬戶發布同屋企人慶祝生日嘅溫韾相，仲喺張相留言：「早晨，我有新IG啦！今日係我同我家姐嘅大日子，我要同佢食食食同飲飲飲！」雖然大合照中其他人嘅樣都被遮住，但仍然隱約見到3個男孩，相信就係佢同李澤楷所生嘅囝囝李長治同埋孖仔李長亨、李長軒。
過咗幾日，佢又上載咗飲茶慶生相、拎住壽桃跳舞嘅短片、同兒仔去郊外咗相等等，但都巧妙咁用圖案遮住兒仔咗樣，似乎唔想公開三名兒子咗真面目。不過，佢最近喺Instagram咁活躍發布生活照，相信喺想吸粉絲、谷人氣！事關Isabella近日同星級經理人Kim再度合作，準備重返香港娛樂圈。
星級經理人Kim曾經捧紅Angelababy、熊黛林等女星，而Kim最近亦有喺社交網發布Isabella喺最新造型照，並指「多年後再次合作，期待新開始。」從照片可見，Isabella比年輕時多了一份成熟美，但同樣咁明豔照人，好多粉絲都大讚佢狀態好Fit，亦留言歡迎佢復出、期待佢有新作品。雖然Kim曾表示，並非要做Isabella嘅經理人，而係以個人名義同佢合作，但兩人都有拍戲嘅計劃。
當年18歲嘅Isabella憑《伊莎貝拉》演技獲得認同，2011年Isabella為男友李澤楷生下3子後公開分手，並獨力去加拿大撫養兒子，但都不忘演戲事業。到2015年，佢半復出演《念念》，可惜當時嘅佢仍然視家庭為首，而今年長子已經9歲，佢終於可以正式全面復出演藝圈，為自己嘅事業同人生打拼。
圖片來源：梁洛施、Kim@Instagram