最近喺無綫熱播緊既劇集《飛虎之潛行極戰》又有「御用警察」吳卓羲出現！吳卓羲由２００５年開始飾演《學警雄心》、２００７年《學警出更》既鍾立文，到今次《飛虎》既高家俊（吳卓羲飾演）都依然擺脫唔到衝動魯莽既性格，認為是對的就去做，衝動得不顧後果。
雖然身為Ｏ記督察既高家俊正義感爆棚，但遇到事情發生總想表現自己，喜歡私下行動查案，唔太願意同團隊合作，仲多次唔相信師父聶宇航（苗僑偉飾演）既決定。依家就同大家回顧一下高Ｓｉｒ既衝動史。
高家俊一心諗住衝上車救人質，點知反而被鎖於車內
於車內不願離開，差點連累更多同事傷亡
衝動應接敵方U384線眼記者電話，中圈套誤了大事
沒問清楚媽媽流眼淚的原因，便對黃宗澤大打出手
沒想過自己也有問題，便認定黃宗澤連累了他，在公眾場合大打出手
其實高家俊唔止成日衰衝動，仲成日唔仔細思考就落決定做事，例如當高家朗（黃宗澤飾演）選擇做臥底，高家俊就冇諗過哥哥係咪真係變咗節，仲一直搵麻煩同佢作對，節外生枝。不過，高家俊行動力極高，所以立左好多大功，佢既上司都好睇好佢，喺啱啱播出嘅二十集仲正式升職做總督察。
冇諗過哥哥係咪真係變咗節，仲一直搵佢麻煩
雖然做警察有正義感係好，但如果可以沉住氣，思前想後先落決定，一定會做得更好。吳卓羲，升職之後唔好再咁衝動喇！
圖片來源：myTV SUPER
(www.mtytvsuper.com)
影片來源：myTV SUPER
(www.mtytvsuper.com)