周杰倫（Jay）近日同太太昆凌去咗泰國旅行放鬆，但都忘記各位粉絲，連日嚟都有密密up片up相上社交網同大家開心Share。噚晚佢就上傳咗段喺蠟像館現身嘅片段，仲見到有位女粉絲同緊自己嘅蠟像自拍，正當佢想表明身份同呢位女粉絲自拍嗰陣，對方竟然認唔倒周董本尊，選擇咗同佢擦身而過，錯過同偶像合照嘅大好機會。
（左）周杰倫見到粉絲同自己嘅蠟像自拍，好像想上前相認呢（右）可惜二人四目交投後，對方竟然捉到鹿唔識脫角
從片段可見，周杰倫非常顧形象，入咗蠟像館都冇除低佢副太陽眼鏡，但見到粉絲同自己嘅蠟像自拍，就好大方咁想上前相認。可惜二人四目交投後，對方竟然捉到鹿唔識脫角，完全唔知道周杰倫真人就係自己面前。而阿Jay事後亦喺片段留言：「點解你會揀同假周杰倫影相呢？周杰倫真人喺你面前！」
唔通蠟像靚仔過周杰倫真身？
到底呢位女粉絲係唔相信偶像會係面前出現，定係個蠟像靚仔過真人呢？
【中國新歌聲】追夢素人《那些你很冒險的夢》獲周杰倫邀請演唱會上演唱
圖片來源：周杰倫@Instagram
影片來源：周杰倫@Instagram