陳蕾（Panther）最新搖滾單曲《以正義之名》，MV找來同門師妹兼好友的張蔓姿（Gigi）執導。Panther在MV中，演技大爆發，用瘋狂表情演繹出歌詞的憤怒與態度！Panther說：「今次MV入面都有啲玩火又打爛部電腦嘅場面，望落好似好危險但其實好安全，反而係有一幕我單手舉起結他兜頭打落個電腦度，嚇親在場嘅同事，佢地好驚訝點解我咁勁可以單手舉起個結他！」
至於找來好友Gigi執導MV，Panther說：「因為我睇過佢今年幫MC拍《花海》同埋Zpecial《島嶼時間囊》嘅MV，覺得好有型！呢首咁有態度嘅歌我就諗起不如都試吓搵Gigi拍啦！由一開始Gigi同我講佢嘅諗法嘅時候，我已經覺得我完全無搵錯人，到我有得睇個成品嘅時候，我覺得可能係我拍過最有型嘅MV呀！」
對於Panther的讚美，Gigi則說：「當初知道Panther想搵我拍MV嘅時候我超級開心，因為我哋一直都好friend，我由好耐之前幫佢演出《娑婆》MV而開始認識，後來我加入咗公司，到今次幫佢執導MV，我覺得成件事好有緣份！而Panther都好有表演天份，一啲瘋癲表情同情緒化啲嘅反應佢都完全做到，所以佢真係表現得非常出色！」