胡楓（修哥）、葉振棠、李龍基及Joe Junior今日（18日）為將於本月28日及29日假伊利沙伯體育館舉行的《雙生双識演唱會2023》綵排，好友米雪及區瑞強今天都有到場探班，李龍基女友Chris則親手繪畫了基哥和棠哥的人像油畫，預祝他們開騷成功。大會亦為即將生日的Joe Junior送上蛋糕及唱生日歌。
四小生的演唱會已準備得七七八八，葉振棠表示：「到時除咗唱歌仲會跳舞，要向修哥請教。」身旁修哥即笑謂：「佢哋唔使準備，一上台就識唱識跳，反而我要向佢哋同Joe Junior請教。」問到李龍基和葉振棠屆時會否互唱對方的歌曲？李龍基説：「最初有諗過，不過最後決定唔好，試問有邊個唱《忘盡心中情》唱得好過棠哥？」修哥即打趣說：「我、我、我、我，我係想講我唱得唔夠佢好。」
談到獲女友親繪油畫，李龍基坦言最初並不知情：「不過依家有個要求，就係想佢幫我哋4個畫一幅畫，希望趕得切開騷前完成。」他又爆女友之前也有替修哥繪畫，修哥即大讚對方畫工了得：「畫得靚仔過他真人。」