每晚在紅館台底，劉天蘭都會幫阿倫換衫。
《阿SAM & 阿TAM HAPPY TOGETHER演唱會 PART ll金曲速遞 》不經不覺昨晚（14日）已經唱到第十一場。今天，就帶大家走入後台重地，睇吓阿Sam和阿倫台底換衫位置，同埋佢哋喺後台準備出場前嘅一刻。
就是這件紅色西裝內的裇衫，劉天蘭話阿倫每日不停瘦，所以每日都要不停改窄。
出場前，阿SAM同阿倫都要嗌吓開聲。
阿Sam和阿倫的演出贏盡口碑之外，今次的演唱會不少全新的造型和靚衫亦令人眼前一亮，幕後功臣正是形象指導劉天蘭和她的拍擋Ida，每一日都坐鎮紅館，阿倫話自己keep住fat，阿Sam就keep住fit，天蘭則見證阿倫幾日內暴瘦十幾磅，狀態愈戰愈勇，她說：「噚日我都仲幫緊阿倫改緊啲衫，其實去年Part I合作過都有經驗，知道阿倫的體重和身形可以變化很大和很快，幾日內可以相差十幾磅，已經一啲都唔再驚訝，我會用一個好似跳舞的節奏去跟住佢，因為每一日，他的衫都需要改動，演唱會期間阿倫很有節制，有運動，吃少了很多，又有專人幫他做飯，食得很清淡，所以愈唱就愈fit，只是有一晚大家好開心一齊去宵夜，阿倫嗰晚吃多了，第二日啲衫就緊哂，但過多日又會瘦返，有一套紅色西裝，其實裏面件恤衫每日都要改動一次。」
阿倫真係瘦咗嘅，不過演唱會後，一定還回基本。
坐住紅館睇騷，當阿SAM從台下升上來時，大家一定睇唔到呢個出場位。
提到阿Sam，天蘭也不得不讚，她說：「第一次fitting上阿Sam屋企，見到他有齊全套健身設備，所以他fit是有原因的，final fitting至開騷，歌衫一直冇改動過，他真的很厲害！」
阿倫出場了
呢位女歌迷，得到阿SAM嘅Kiss，唔知佢呢晚瞓唔瞓得着呢？