《TVB萬千星輝頒獎典禮2018》於今晚電視城舉行，共頒發十六個獎項，眾藝員未爭獎前先行紅地毯鬥性感，鬥行頭！今晚最大焦點的三位大熱候選視后中，煒哥算是先贏一仗，以四百萬手飾配上一套紫色中空裝，論性感及鑽飾，完全揮低同樣密實的黃智雯及李佳芯，成為性感之最，煒哥說：「今日都預咗套衫性感，所以設計師都造了這套中空晚裝，大家見到都嘩一聲，說吸引眼球，不過我覺得最重要是靚及高貴，一陣開騷就會換另一套，因為呢套唔可以坐低。」
提名女配角的黃心穎亦中門大開出現，連男友馬國明見到都嚇了一跳，她説：「之前都怕走光，我試的時候有俾佢睇過張相，但今日著俾佢睇，佢即刻嘩一聲，我話之前你睇相都睇過，佢話張相太遠，仲問我今晚會唔會加件褸，不過佢都覺得好靚！」同樣提名女配角的張曦雯，則繼續性感作風，以湯碗胸晚裝，加輕露長腿，相當吸晴。
而全身帶上四百萬手飾的家燕姐亦相當性感，完全不讓後輩專美，她說：「其實我都係花旦，你估我係皮蛋呀，因為之前演唱會的衫比較密實，日日排舞都瘦咗十幾磅，所以今晚性感少少，一年一次，梗係著得靚少少。」不過今晚電視城外非常大風，令不少長髮女藝人行紅地毯時被吹至頭髮散亂。
