林家謙今日（18日）出席保險廣告首映禮，家謙在廣告中以校服look現身，他笑說是按照中學時期的樣子倒模出來。家謙表示人生每一步都可以自己作主，父母不會左右他的決定：「可能我係屋企嘅『孻仔』，父母都唔係好左右我嘅決定，今次拍攝我都出動咗私伙嘅眼鏡，呢個係我大學時配戴嘅，但依家唔敢帶啲方形眼鏡啦，留返俾啲靚仔啦，今次當俾大家見下我嘅學生Look！」
家謙即將與Do姐出外拍旅遊節目，他指已經預料會俾Do姐鬧：「我都未定會點拍，但係都預咗會俾Do姐鬧，呢個係常態！平時去旅行我就會瞓到自然醒、唔想咩都plan定晒，搞到好似返工咁，但係呢次有酬勞，係工作嚟嘅！」