新聞女王｜何依婷二五仔與馬明地下情　今晚預告李施嬅助阿佘逆轉勝

無綫台慶劇《新聞女王》昨晚（23日）一集峰迴路轉，Man姐（佘詩曼飾）遭梁景仁（佐治，馬國明飾）奪去總主播主任一職。Man姐即時以假辭職還擊，並著文家軍玩「曠工」，但出賣Man姐的竟是其頭號愛將曉薇（何依婷飾），曉薇與梁景仁更大搞辦公室「地下情」。

談到曉薇不但能力值低，更「食碗面、反碗底」，何依婷受訪時坦言角色輸蝕：「因為其他人都好叻，但得一個曉薇係咁輸，然後又反骨做二五仔，俾人感覺好壞咁。」由於角色有躁鬱症，依婷於拍攝期間心情低落了足足數個月。作為曉薇真身，依婷亦為角色平反：「睇完咁多集劇本，我覺得曉薇都有值得同情嘅地方，希望大家睇落去會見到佢嘅成長，佢輸到咁上下係會覺醒。其實曉薇都好慘，Man姐雖然對佢好好，但成日情緒勒索佢，永遠要活喺對方陰影之下；自己男友又唔係真心真意、最愛竟然係前度，所以曉薇最後會學識凡事要為自己。」何依婷更預告曉薇之後會遇到更多「震撼」事件，並謂相關場口比拍攝反枱戲更為難忘。

至於曉薇男友梁景仁，除了角色陰險多次計算Man姐，他將曉薇及Cathy（高海寧飾）同時玩弄鼓掌之間、對前度念念不忘並私下約會對方。與馬明相反的車房佬阿傑（譚俊彥飾）雖然出場次數不多，但每次均擔當了Man姐心靈雞湯角色，加上性格正直，瞬間成為劇中第三位最討好角色。昨晚阿傑眼見Man姐玩辭職玩得任性又過火，除苦口婆心：「你都係俾心機做好新聞，唔好剩係掛住鬥」，並以「呢個世界冇嘢係唔換得」提醒Man姐不要自視過高，說時眼神充滿溺愛，獲大讚「極級暖男」，並對阿傑與Man姐關係、以及阿傑斷腳之迷大感好奇。

今晚預告：玩「假辭職」玩出禍的Man姐，因為「茶果嶺揮刀漢」事件重返主場—SNK News直播間，並將與梁景仁展開激烈對決！原本因借助Cathy高超爆炸性採訪技術贏盡頭威的梁景仁，後來因為家妍（李施嬅飾）一個超出預期的助攻，令Man姐贏出極漂亮一仗。