周嘉洛及林夏薇今日出席新劇《寵愛PET PET 》宣傳活動，今次兩人譜出一段姊弟戀，林夏薇表示未合作時都有些擔心，角色亦很有挑戰，「今次真係好大挑戰，之前好少演喜劇，而且平時生活上我都係開心，今次要設定同大家不和，真係難為咗大家。同周嘉洛未合作前都擔心，但合作後出奇地有默契，因為佢好識照顧人，而且係一個有創作性演員。」周嘉洛同樣大讚對方，「從她身上首先學到用心及堅持，演員基本好嘅特質，她都擁有，我可以好好學習。」
周嘉洛表示目前忙於拍攝處境劇《愛·回家之開心速遞》，繼續過無覺瞓的日子，「以前後生都捱得，依家開始感到自己老了，皮膚都變差，開始要注意一下身體健康，主要係體力不如前，個人虛虛地。當然唔係真係無得瞓，有時放飯時間，唔食飯恰下都好，如果每日可以有四小時瞓覺都已經好開心，不過始終有工作就盡力做。」
