鄭裕玲（Do姐）主持的HOY TV旅遊節目《去邊啊Do姐》，今晚（8日）播出第五集，由Do姐帶住洪嘉豪遊覽德國最大的森林山脈—黑森林。
首先Do姐帶嘉豪觀賞被譽為黑森林「生命之泉」的特里堡瀑布。然後再到當地釀酒廠，參觀黑森林車厘子酒的釀製過程。不過，在品酒談心期間，嘉豪竟誤叫「Do姐」做「May姐」，激嬲Do姐拍枱作狀離席。言談間，得知嘉豪是鮮有Do姐電話號碼的人，Do姐更笑言道「我哋啲關係非比尋常」，可見嘉豪深得Do姐心！
親歷黑森林蛋糕的起源後，二人終於可以一嚐最正宗黑森林蛋糕。嘉豪更做足功課，侃侃而談黑森林蛋糕的歷史，正經的模樣讓Do姐忍俊不禁，笑言「知識性嘅嘢唔似係你講」。二人一邊享受美食，一邊回顧黑森林之旅，體驗到當地人慢節奏生活的嘉豪感言：「其實生活可以好簡單」。
