無綫歌唱真人騷《中年好聲音》本周日（9日）播出爭入七強的《友情合唱！淘汰選手助陣！》，八強參賽者邀請之前被淘汰的選手合唱作賽，嘉賓評審是巫啟賢。今集出場歌單是《祝福》羅啟豪＋區俊傑、《Happy Together》吳大強＋鮑聖光、《我的心裡只有你沒有他X忘記他》支嚳儀＋劉智衛、《選擇》龍婷＋丁文俊、《憑着愛》林鉫徫＋陳早怡、《朋友別哭》李佳＋鄧家豪、《千載不變》顏志恒＋魏嘉信以及《童話》周吉佩＋曹敏寶。
本集最吸睛的組合是龍婷＋丁文俊，於第12集合唱《因為愛情》傳緋聞的二人，再度合體獻唱《選擇》，龍婷以露肩裝上陣大曬知性美，丁文俊則官仔骨骨曬型格，兩人合唱期間除了深情對望外，唱到高潮時更來個十指緊扣，甜蜜指數爆晒錶。主持車婉婉笑言：「好似去咗一個婚禮咁！」她又追問丁文俊：「龍婷揀你呀，有咩感想？」丁文俊即害羞口窒窒：「呀……好多謝佢，打撈返我上嚟。」場面搞笑。另一對周吉佩＋曹敏寶以白色tone造型上陣，同樣搶眼合拍。
Bill哥哥吳大強＋鮑大人鮑聖光的組合原是亮點之一，惟彈結他上陣亦成為他們的致命傷，齊齊被批把聲唔入咪。巫啟賢坦言：「我覺得你哋揸結他反而綁住咗喺度，好保守，只係喺一個好安全嘅範圍將呢隻歌交代咗出嚟，反而呢隻歌嘅精神出唔到。」伍仲衡則說：「唔覺得你哋係做緊同一個表演，同埋你哋把聲冇magic。」上集獲得MVP、登上三甲的Bill哥哥，似乎再陷危機。
