【抖音神曲】容祖兒王祖藍萌爆唱《學貓叫》

樂壇天后容祖兒同王祖藍最近齊齊上咗內地節目《奔跑吧嘉年華》做嘉賓獻唱，當中最觸目嘅當然係二人賣萌唱熱爆「抖音」神曲《學貓叫》，佢哋開聲第一句「我們一起學貓叫，一起喵喵喵喵喵～」就已經洗腦到爆啊！

容祖兒係節目出場時身穿莊重典雅嘅白色露肩長裙，深情演繹《小小》打開序幕。但估唔到呢種氣氛仲轉得快過十號風號。說時遲，那時快，Joey同祖藍已經換上貓手套，輕輕擺動屁股，配以嬌俏手勢舞賣萌，為在場所有觀眾帶嚟意想不到的驚喜和反差萌。

唔少人認為容祖兒嘅歌聲好適合唱《學貓叫》，睇嚟今次演唱令歌壇天后增添了可愛形象的一面。

內地熱爆的抖音（Tik Tok）App喺由北京微播視界科技有限公司研發的產品，活躍用戶超過三千萬人。抖音使用者可以在十五秒內搭配歌詞和曲風，製作音樂影片到社交平台分享，從拍攝到編輯步驟都操作簡單，令它深受年輕人的喜愛。有資料顯示，大部份抖音用戶都細過二十四歲，熱門用戶基本都是九十五後，甚至零零後。

除了熱門的《學貓叫》、《我們不一樣》、《愛的魔法》外，歌手劉佳的歌曲《愛的就是你》也被重新創作的手勢舞掀起一股情侶放閃風潮，翻hit到連《愛回家》熒幕情侶金城安（周嘉洛飾）和Bonnie（林凱恩飾）都甜蜜接力翻拍，令唔少網民懷疑佢哋假戲真做。

圖片來源：浙江衛視